НТРК директорне çирĕплетнĕ // Хыпар. - 2021. - Юпа, 14
Светлана Губановăна Чăваш Ен наци телерадиокомпанийĕн директорне çирĕплетнĕ.
Светлана Владимировна Мускав патшалăх университетĕнче журналистика факультетĕнче /телеуйрăм, журналист, радиопа телекуравăн литература ĕçченĕ/ аслă пĕлӳ илнĕ. Телекурав ĕçĕнче вăл — 1997 çултанпа.
Журналист карьерине Светлана Губанова хаçат корреспондентĕнчен пуçланă, редактор та пулнă, программăсен продюсерĕ те, шеф-редактор та, шеф-продюсер та, проект ертӳçине те çитнĕ, хăйĕн продюсер центрне те йĕркеленĕ.
Тĕрлĕ çулсенче НТВ, РТР, ТВ Центр, РЕН ТВ, Пĕрремĕш канал телеканалсенче ĕçленĕ.
Вăл — документлă фильмсен /«Цирковые судьбы» ярăм /7 фильм/, Аутизм. Особый мир», «Меченые луной», «Безымянная высота», «Штрафная рота», «Под куполом цирка. Смертельный номер», «Шишкан и его команда», «Угадай мелодию», «Нереальные звезды», «Таблетка от страха», «Призрак Саакашвили», «Турецкий марш Мендельсона», «Дело нечистое»/ авторĕ тата продюсеръ.
«Город слепых» документлă фильм Германире документлă фильмсен фестивалĕнче диплома тивĕçнĕ. Документлă киновăн Великобританири, Америкăри, Норвегири Пĕтĕм тĕнчери фестивалĕсене хутшăннă.
Светлана Владимировнăна ТЭФИ-2001 преми лауреачĕн дипломĕпе, РФ Правительствин культура енĕпе паракан премийĕпе, «Раççей телекуравĕн академийĕн фончĕн дипломĕпе чысланă.
Фото moygorod.online