Паллă çыравçăсемпе çамрăк авторсен тĕл пулăвне васкăр
Чăваш литературине упраса хăварас, малалла аталантарас тĕллевпе Чăваш Республикин культура, национальноçсен ĕçĕсен тата архив ĕçĕн министерстви тата Чăваш Республикин профессионал писательсен союзĕ 2019 çулхи авăн уйăхĕн 20-мĕшĕнче çамрăк авторсен семинарне ирттерет. Семинар Чăваш Республикин Наци библиотекинче (Шупашкар хули, Ленин проспекчĕ, 15 çурт) иртет, 13.00 сехетре пуçланать.
Сăмах ăстисен уявне Анатолий Кипеч, Юрий Сементер, Улькка Элмен тата ытти паллă çыравçăсем хутшăнаççĕ. Вĕсем хăйсен ăсталăхĕпе «Чăваш прози», «Чăваш поэзийĕ», «Чăваш драматургийĕ» тата «Вырăсла çыракансем» ушкăнсенче паллаштарĕç, уява килнĕ авторсен ыйтăвĕсене хуравлĕç.
Семинара хутшанăкан çамрăк çыравçăсем ку е вăл жанрпа çырнă чух мĕне шута илмеллине, вулакана мĕнлерех кăсăклантармаллине тата ытти вăрттăнлăха уçса парĕç.
Пур çамрăка та литература уявне йыхравлатпăр.
* * *
С целью выявления и поддержки молодых талантливых авторов Министерство культуры, по делам национальностей и архивного дела Чувашской Республики совместно с Правлением Союза профессиональных писателей Чувашской Республики проводит обучающий семинар-встречу известных писателей и молодых авторов современной чувашской литературы.
Организатором встречи являются Национальная библиотека Чувашской Республики и редакция литературного журнала «Тăван Атăл».
Известные чувашские писатели Анатолий Кибеч, Юрий Семендер, Улькка Эльмень расскажут молодым авторам, как строить сюжет и прозы, что учитывать при создании стиха, как правильно оформить драматическое произведение и т.д.
Семинар проходит 20 сентября 2019 года в Национальной библиотеке Чувашской Республики по адресу г. Чебоксары, пр. Ленина, дом 15. Начало семинара 13.00 часов.
Хыпара çакăнтан илнĕ: ЧРВИ: Паллă çыравçăсемпе çамрăк авторсен тĕл пулăвне васкăр
