ВЛАДИМИР ПУТИН МИХАИЛ ИГНАТЬЕВА ХИСЕП ОРДЕНӖПЕ ЧЫСЛАНӐ

23.05.2017 14:11 | просмотров: 2544
ВЛАДИМИР ПУТИН МИХАИЛ ИГНАТЬЕВА ХИСЕП ОРДЕНӖПЕ ЧЫСЛАНӐ

РФ Президенчӗ Владимир Путин ҫӗршыври паллӑ ҫынсене чысласси пирки хушӑва алӑ пуснӑ. Документра палӑртнӑ тӑрӑх, Чӑваш Ен Элтеперӗ Михаил Игнатьев Хисеп Орденне тивӗҫнӗ.

Хушӑва ҫу уйӑхӗн 22-мӗшӗнче алӑ пуснӑ. Владимир Путин Михаил Игнатьевӑн ӗҫне пысӑка хурса хакланӑ. «Ӗҫри ҫитӗнӳсемшӗн, общество ӗҫне хастар хутшӑннӑшӑн, тӳрӗ кӑмӑлпа нумай ҫул ӗҫленӗшӗн Михаил Васильевич Игнатьева Хисеп Орденӗпе чыслас» тесе ҫырнӑ хушура.

Палӑртмалла: Михаил Игнатьевӑн кунсӑр пуҫне пилӗк медаль. Вӗсен йышӗнче Раҫҫейри агромпромышленноҫ комплексӗн аталанӑвне тӳпе хывнӑшӑн» ылтӑн медаль те пур.

Хыпар ҫӑлкуҫӗ: https://www.chuvash.org/news/15810.html