Православи тĕнне ĕненекенсем валли - çĕнĕ кĕнеке: «Чăваш çĕрĕн асап тÿссе вилнĕ святойĕсен пурăнăçĕ»
Пуш уйăхĕн 14-мĕшĕнче Раççейре Православи кĕнекин кунне паллă тăваççĕ. 2009 çулхи раштавăн 25-мĕшĕнче Вырăс Православи Чиркĕвĕн Священный Синод ларăвĕнче чиркÿ вĕрентсе каланă сăмаха кĕнеке урлă малалла сарас мелсене пăхса тухнă. Синод йышăнăвĕпе çулсеренех Православи кĕнекин кунне палăртма çирĕплетнĕ. Ăна Руçри пĕрремĕш пичет кăларăмĕ кун çути курнипе çыхăнтарнă. 1564 çулхи пуш уйăхĕн 1-мĕшĕнче (çĕнĕ стильпе - пушăн 14-мĕшĕнче) Иван Федоровăн «Апостолĕ» пичетленсе тухнă-çке.
Православи кăларăмĕсен уявĕ тĕлне Чăваш кĕнеке издательствинче тĕне ĕненекенсем валли «Чăваш çĕрĕн асап тÿссе вилнĕ святойĕсен пурăнăçĕ» кĕнеке (тиражĕ - 1500 экземпляр) кун çути курчĕ. Кăларăма Шупашкар тата Чăваш епархийĕн издательство канашĕ пичете сĕннĕ. Ăна Иосиф (Ключников) иероманах пухса хатĕрленĕ, вырăсларан чăвашла Ева Лисина куçарнă, редакторĕ - Валерий Алексеев.
Кĕнекере XX ĕмĕрте асап тÿссе вилнĕ святойсен пурăнăçне çырса кăтартнă. Вĕсен йышĕнче - Михаил (Самсонов) священник; Адриан (Троицкий) священник; Николай (Троицкий) священник; Василий (Константинов-Гришин) священник; Аркадий (Добронравов) священник; таса пурăнăçлă Тамара (Сатси); Димитрий (Воскресенский) священник; таса пурăнăçлă Мефодий (Иванов); таса пурăнăçлă Игнатий (Лебедев); Илия (Измайлов) священник; Амфилохий (Скворцов), Красноярск епископĕ; Герман (Кокель), Улатăр епископĕ; таса пурăнăçлă Тихон (Бузов); Василий (Покровский) тата Емилиан (Киреев) священниксем. Çак святойсене уйрăмах Чăваш митрополийĕнче хисеплеççĕ. Вĕсен ячĕсене Святойсене канонизацилес тĕлĕшпе ĕçлекен комисси тăратнă документсем тăрăх асап тÿссе вилнĕ святойсен Раççейри Соборне кĕртнĕ.
XX ĕмĕр пуçламăшĕнче Раççейре асап тÿссе вилнисем питĕ нумай пулнă. Апла пулин те вĕсенчен хăшне-пĕрне çеç святойсен йышне кĕртнĕ. Çакă мĕнпе çыхăннине Дамаскин (Орловский) игумен çырнă «XX ĕмĕрти хĕсĕрлев тапхăрĕнче асап тÿснĕ Вырăс Чăн Тĕн Чиркĕвĕн святойĕсем» статьяра вуласа пĕлме пулать: «Агиологи святойăн «шалти» пурнăçне, унăн чун-чĕрине тĕпчет... çав çын пĕтĕм чун-чĕрипе Турă патне ăнтăлнă-и? тĕнче сĕнекен «çăмăллăхсем» уншăн ют пулнă-и? тискер хĕсĕрлев вăхăтĕнче Турăран тунмасăр Унăн çулĕ патне çитмешкĕн пурăнăçне те хĕрхенмен-и? вилме те хатĕр пулнă-и?» Турăпа пĕрле чухне исповедника тĕрме нуши те, ÿт-пÿ асапĕсем те хăратмалла маррине палăртать автор. Ĕненÿ ăна ирĕклĕхе мар, Турă патне ăнтăлма хистет.
Кăларăма «Жития новомучеников и исповедников Российских XX века, в земле Чувашской просиявших» (Шупашкар, 2009) кĕнекерен куçарса пичетленĕ.
14 марта в России отмечается День православной книги. С инициативой проведения подобного праздника выступил Святейший Патриарх Московский и всея Руси Кирилл. 25 декабря 2009 года на заседании Священного Синода Русской Православной Церкви был рассмотрен вопрос о мерах по дальнейшему расширению церковной проповеди через книгу. Решением Синода было постановлено учредить ежегодный День православной книги, приурочив его к дате выпуска первой на Руси печатной книги Ивана Федорова «Апостол», вышедшей в свет 1 марта 1564 года – 14 марта по новому стилю.
К этому светлому и доброму празднику Чувашское книжное издательство выпустило книгу на чувашском языке для православных верующих – «Чăваш çĕрĕн асап тÿссе вилнĕ святойĕсен пурăнăçĕ» (Жития новомучеников земли Чувашской). Издание одобрено к печати издательским советом Чебоксарско-Чувашской епархии. Автор-составитель – иеромонах Иосиф (Ключников), перевод на чувашский язык Евы Лисиной, редактор – Валерий Алексеев. Тираж новинки – 1500 экземпляров.
В книге рассказывается о новомучениках и исповедниках XX века. Это священномученик Михаил (Самсонов); священномученик Адриан (Троицкий); священномученик Николай (Троицкий); священномученик Василий (Константинов-Гришин); священномученик Аркадий (Добронравов); преподобномученица Тамара (Сатси); священномученик Димитрий (Воскресенский); преподобномученик Мефодий (Иванов); преподобномученик Игнатий (Лебедев); священномученик Илия (Измайлов); священномученик Амфилохий (Скворцов), епископ Красноярский; священномученик Герман (Кокель), епископ Алатырский; преподобномученик Тихон (Бузов); священномученики Василий (Покровский) и Емилиан (Киреев). Этих святых особенно почитают в Чувашской митрополии. После рассмотрения документов, представленных комиссией по канонизации святых, их имена включены в Собор новомучеников и исповедников Церкви Русской.
Данное издание – перевод книги «Жития новомучеников и исповедников Российских XX века, в земле Чувашской просиявших» (Чебоксары, 2009).
Хыпара çакăнтан илнĕ: Кĕнеке издательстви: Православи тĕнне ĕненекенсем валли - çĕнĕ кĕнеке
